នេះគឺជាបញ្ជរជំនួយគាំទ្រជនបរទេសនៃខេត្តអុកាយ៉ាម៉ា ដែលនឹងផ្ដល់ជំនួយគាំទ្រដល់អ្នក ករណីអ្នកមិនដឹងថាត្រូវពិភាក្សាជាមួយនឹងស្ថាប័នណា ឬ ករណីអ្នកត្រូវការអ្នកបកប្រែ។ នៅមជ្ឈមណ្ឌលនេះ អ្នកអាចពិភាក្សាដោយប្រើភាសាច្រើន និង ទទួលបានព័ត៌មាននានាដែលចាំបាច់សម្រាប់ការរស់នៅ។ អ្នកអាចពិភាក្សាដោយប្រើភាសាច្រើនតាមរយៈទូរសព្ទឬអ៊ីមែល។

ហេឡូវើក(Hello Work) គឺជាស្ថាប័នរដ្ឋ (ក្រសួងសុខាភិបាល ការងារ និងសុខុមាលភាព)។ អ្នកអាចពិគ្រោះទាក់ទងនឹងការស្វែងរកការងារ នីតិវិធីនៃធានារ៉ាប់រងការងារជាដើម។ ស្ថាប័ននេះនៅក្រុងអុកាយ៉ាម៉ា ក្រុងគុរ៉ាស៊ីគី និង ក្រុងសូចា គឺមានបញ្ជរច្រើនភាសា។ អ្នកអាចពិគ្រោះដោយប្រើភាសាច្រើនផ្សេងគ្នាទៅតាមថ្ងៃធ្វើការ ដូច្នេះ សូមពិនិត្យមើលព័ត៌មានលម្អិតនៅលើគេហទំព័រ។

ការិយាល័យត្រួតពិនិត្យបទដ្ឋានការងារ គឺជាស្ថាប័នរដ្ឋ (ក្រសួងសុខាភិបាល ការងារ និងសុខុមាលភាព)។ អ្នកអាចពិគ្រោះទាក់ទងនឹងខ្លឹមសារ ដូចជា ការមិនទទួលបានការបង់ប្រាក់ឈ្នួលឬប្រាក់ថែមម៉ោង ការធ្វើការថែមម៉ោង ការមិនទទួលបានការឈប់សម្រាកដោយមានប្រាក់ឈ្នួល ការចង់ឈប់ពីការងារប៉ុន្តែមិនត្រូវបានអនុញ្ញាឱ្យឈប់ ការត្រូវបានបដិសេធចំពោះការប្រើប្រាស់ធានារ៉ាប់រងការងារ ជាដើម។ល។ ​

មន្ទីរការងារ គឺជាស្ថាប័នរដ្ឋ (ក្រសួងសុខាភិបាល ការងារ និងសុខុមាលភាព)។ នៅផ្នែកពិគ្រោះសម្រាប់ជនបរទេស អ្នកអាចពិគ្រោះតាមទូរសព្ទទាក់ទងនឹងបញ្ហាការងារ ការបៀតបៀនដោយប្រើអំណាច ការបៀតបៀនផ្លូវភេទ ការបៀតបៀនទាក់ទងនឹងការមានផ្ទៃពោះ ការឈប់សម្រាកមើលថែទាំកូន ការឈប់សម្រាកមើលថែទាំគ្រួសារ ជាដើម។ល។ អ្នកអាចពិគ្រោះដោយប្រើភាសាច្រើនបានទៅតាមថ្ងៃធ្វើការ។ សម្រាប់ព័ត៌មានលម្អិត សូមពិនិត្យមើលនៅលើគេហទំព័រ។​

នេះគឺជាសហជីពការងារ(សហជីព)ដែលស្ថិតនៅក្រុងហ្វុគុយ៉ាម៉ា។ អ្នកអាចពិគ្រោះទាក់ទងនឹងការបៀតបៀននៅកន្លែងការងារ ការផ្លាស់ប្ដូរការងារ គ្រោះថ្នាក់ការងារជាដើម។ សហជីពនេះទទួលការពិគ្រោះពីនិយោជិតគ្រប់ទាំងអស់ រួមទាំងនិយោជិតដែលបានបាត់បង់លក្ខណៈសម្បត្តិស្នាក់នៅ(ការស្នាក់នៅលើសកាលកំណត់)ជាដើមផងដែរ។ សូមផ្ញើសារតាមទំព័រហ្វេសប៊ុក

នេះគឺជាសហជីពការងារ(សហជីព)ដែលស្ថិតនៅខេត្តអុកាយ៉ាម៉ា។ អ្នកអាចពិគ្រោះទាក់ទងនឹងជីវភាពរស់នៅនៃនិយោជិតដែលធ្វើការងារក្នុងតំបន់ ឬ បញ្ហាជាមួយនឹងក្រុមហ៊ុនជាដើម។ សហជីពនេះទទួលការពិគ្រោះពីនិយោជិតគ្រប់ទាំងអស់ រួមទាំងនិយោជិតដែលបានបាត់បង់លក្ខណៈសម្បត្តិស្នាក់នៅ(ការស្នាក់នៅលើសកាលកំណត់)ជាដើមផងដែរ។

នេះគឺជាការិយាល័យច្បាប់ ដែលផ្ដល់ការប្រឹក្សាអំពីច្បាប់ ដោយអ្នកអាចពិគ្រោះទាក់ទងនឹងបញ្ហាដូចជា បំណុល ការងារ គ្រោះថ្នាក់ចរាចរណ៍ ការលែងលះ លក្ខណៈសម្បត្តិស្នាក់នៅជាដើម។ល។ ទោះជាអ្នកគ្មានលក្ខណៈសម្បត្តិស្នាក់នៅ ក៏មិនត្រូវអស់សង្ឃឹមនិងបោះបង់ដែរ។ ថ្លៃពិគ្រោះគឺ5,500យេនសម្រាប់រយៈពេល40នាទី។ សូមធ្វើការណាត់ទុកជាមុន តាមរយៈទូរសព្ទឬការបំពេញទម្រង់ព័ត៌មាននៅលើគេហទំព័រ។